Stad

Joost van Velzen

Ik kom oet stad Grunnen

Ien ain woord: Stad

Stad

van Gelk’ngestroat, de ‘meziekstroade’,

van ons hoes, de zoak, Café de Pijp

van beis en blaauwe tax

van opa en oma Zuderdaip

en ook stad

van Opoe Tjadens, Tammo, Jan Roos en Taaie

van daansen bie Bus en swieren bie Frigge

van Knol’s kouk, Koos Kerstholt, GVAV

van Zernike, De Ploug en Belcampo

van Duutsers dei kwammen

van Jeuden dei gingen

van Noaber, Gootjes, Werkman

van t Scholtenshoes in puun

van ‘wat wilst dou’

van Biezundere en Openbaore schoul

van Synodoalen en ‘dij Vrijgemoakten’

van haite koppen en kòlde haarten

van studenten en rode laampen

van Kòlle Gat en glìnne riepe

van d òlde Grieze en akkedemie

van Schouwburg, Harmonie, Huize Tavenier

van kerstbomen ien mast bie kerst

van vlagkes op bus as iesboan opengung

van Maaikermis op Groot Maart

van peerden ien t Stadspaark op d’ 28e augustus

doar bin ik deupt

doar heb ik speuld

doar heb ik leerd

doar bin ik traauwd

Doar

ien Stad

mien stad

Meer over

Wilt u iets delen met Trouw?

Tip hier onze journalisten

Op alle verhalen van Trouw rust uiteraard copyright.
Wil je tekst overnemen of een video(fragment), foto of illustratie gebruiken, mail dan naar copyright@trouw.nl.
© 2022 DPG Media B.V. - alle rechten voorbehouden